هاي بعض مواقف البنات المحرجة

همسات هذا الرد على موضوع جذبات الولد

هاي بعض مواقف البنات المحرجة

الموقف الاول
بنية راحت دا تشتري كارت عراقنا ابو العشره
- مرحبا عمو (للعلم ابو المحل اصغر منها اب 25 سنة بس هاية البنات ,,,شنسويلهم؟؟!!!)
- عمو؟؟؟ عال عموم أتفضلي؟؟؟
- أريد كارت أبو ال 10
- موجود اب 16000
- زين اكو مستعمل؟؟؟ مو اللا جديد لأن هواية 16000 !!!!!!
- امشي طلعي برة رجاءا
************ ********* *********
الموقف الثاني
بنبة راحت تشتري دوندرمة :
- السلامو عليييكم (أم اللحن)
- و عليكم السلام؟؟؟
- أببيش الموطا أم ال 500؟؟؟؟؟
- موطا ام ال 500 من أسمها يعني أببيش تتوقعين؟؟؟ أب الف و نص؟؟؟
- ليش " أم ال 500 " هذا السعر يعني لو المنشأ ؟؟؟؟
- بنتي دا اتشوفين الباب؟؟؟
- أي عمو حلوة و مصبوغة جديد اتخبل
- أي بنتي طلعي و سديها وراج,,,كلبنا الأسواق عربانة مال لبلبي ,,,
أتفضلي طلعي رجاءا
************ ********* *********
الموقف الثالث
بنية راحت أل ابو التسجيلات تشتري سيدي
- مرحبا,,, اريد بوستر مال رابح صقر
- ما عدنا هيج شكولات لو احط صورة مال أي تي هم اتجيب معاميل أكثر
- مو ماما اتكول خلي البوستر مالته بالحمام حتى اخوف بيه ال ابوبريصية و بعد ما يجون للحمام ,,,يكومون يلتقون بالمطبخ ,,,ممممممممممممم,,,اوكي عندك سيدي مال تامر؟؟؟
- اي هسة اشوفلجياه
- لا ما اريدة لأن عندي هيج بس دا اسأل
(أبو التسجيلات صارلة 7 ساعات ما مستفتح و هال نوب تجي وحدة أتفيك براسة لزم اعصابه بالكوة )
- زين اريد الاغنية اللي بالفلم مال بوحة لمن هوة يتمشة بالطريق و هية فوك الشرفة المقطع اللي ورة ما السيدي ايكوم ايعلس ب 5 دقايق
- يا اغنية هاي؟؟؟؟؟؟ انطيني كلمة كلمتين منها حتى اعرف؟؟؟؟
- لا مو اني لو اعرف كلماتها ليش دا اشتري السيدي؟؟خو اني اغنيها
- اللهم طولج يا روح شسمها؟؟؟
- منهيا عمو؟؟
- الاغنية اللي تريديها شسمها؟؟؟
- لحظة عمو عندي فكرة,,اخذ السيدي اللي بي الاغنية من صديقتي انزلها عال حاسبة و اسمعها و وراها راح اجي عليك اكلك اسمها اوكي؟؟؟
- أمشي طلعي برة
************ ********* *********
الموقف الرابع
بنية راحت تسحب خط انترنت
- مرحبا اريد خط انترنت
- اي عدنا ليلي و عدنا 24 ساعة
- اوكي انطيني ساعتين بس
- أشو بس ساعتين؟؟؟؟
- مو السطح مالتنا كلللش اصغير خاف من انصب الكرايد
ما يتحمل 24 ساعة
- السطح ماله علاقة المهم الحاسبة مالتج شون مواصفاتها؟؟
- ما عندي حاسبة اريدك اتشدة عال تلفزيون و اني اتحكم بيه بالريموت - أمشي طلعي برة

تحياتي
والموضوع للضحك فقط مو يزعلون علينا البنات

موضوع: رد الجمعة فبراير 29, 2008 2:25 pm

شطلعت هاي كلها على البنات طلعتونه كسر وجمالة تكولون لاتزعلون لازم نسوي انقلاب.

هااااااااااااا شنو زعلتي احنه مو كلنه بدون زعل هيه نكته
بس احنه حبينه نظحك بيه تحياتي

موضوع: رد الجمعة فبراير 29, 2008 2:41 pm

لازعلت ولاشي بالعكس اني هم ضحكت

اكولج اشو انتي عصبيه بعد اشويه اتريدين اظربيني هههههههههههههه تحياتي

لا تزعلي
فأنا نتـــاج مشـــــــــــاعر ٍٍ لا تنجــــــــلي
لا تزعلي
دومًا أبــــــــوحُ بمـــا يخـــــــــالج داخلي
لا تزعلي
دومًـــا أردد مــــــــا يـــــدورُ بخـــــاطري
وبما أردد ســــــوف يُشــغلُ شـــــــاغلي
لا تزعلي

عاشو خيو تيتو موضوع قمة الروووعة والابداع مو غريب عليكـ